Þökk sé verkfræðiundrinu Möggu er ég nú kominn aftur á heimaslóðir --- vei vei vei

Er Mummi hið mesta meinhorn? Líklega ekki. Missir hann af afmælisveislunni hans Lúlla á laugardag? Líklega. Afhverju skyldi Mummi ekki hafa boðið mér á MSN-ið hans? Finnst honum nóg að ég riti honum póst á þessa síðu? Er fimmtudagur í dag og ég þreyttari en andskotinn. á leið á eitthvurt málþing um tungutækni. Já, svo sannarlega! Og afhverju er ekki búið að hella upp á kaffi hér í NG?! Á mann lifandi að drepa. Á svona dögum nennir maður ekki einu sinni að hugsa eitthvað gáfulegt til að skrifa. Fjandakornið. Veivei!

Dagný komin með nýja og íðilskapa síðu. Til lukku með það mín kæra. Svo á pabbi minn líka afmæli í dag - til lukku með það minn kæri. Annars hélt ég að Dagný ætlaði að vera í New York í dag. Þar var víst frekar súr stemmning svo það er kannski bara best að hún sleppti því. Hvers vegna skyldi hún samt hafa valið þennan dag til að opna nýja heimasíðu? Maður sig spyr.

Dagný gerir í dag Ingibjörgu Sólrúnu að yrkisefni. Segir hún að Solla hafi fallið nokkuð í áliti hjá sér þar sem hún hafi virkilega þurft að leggjast undir feld þrátt fyrir nokkuð afdráttarlausar yfirlýsingar fyrir kosningarnar í vor um að hún væri ekki á leið í landsmálin (fjú þetta var löng málsgrein). Einnig notar hún (Dagný) tækifærið til að dissa Samfylkinguna soldið og segir að vilji Samfylkingin mynda félagshyggjuríkisstjórn með Framsóknarflokknum verði hún að hysja upp um sig buxurnar.

Um þetta hef ég tvennt að segja:

1. Að sjálfsögðu átti Solla að leggjast undir feld. Sjálfur var ég sannfærður um að hún myndi koma undan feldinum á sömu skoðun; að fara ekki fram. Það taldi ég ljóst frá upphafi. En Sólrún er þekkt fyrir að taka ákvarðanir á ábyrgan hátt. Mikill þrýstingur var á hana frá nánasta samverkafólki og samherjum í pólitík og í raun stórum hluta Reykvíkinga og var það rétt hjá henni að sýna þeirra áliti í það minnsta þá virðingu að íhuga málið, þrátt fyrir að lítil von væri á afstöðubreytingu af hennar hálfu eftir yfirlýsingarnar í vor.
Hitt er svo annað mál að ósanngjarnt var af þessum sömu aðilum að ýta jafn hart á að hún gengi á bak orða sinna. Slíkt er hugsunarleysi og við getum hrópað húrra fyrir Ingibjörgu Sólrúnu að gera ekki þau mistök, þ.e. sýna hugsunarleysi heldur þvert á móti, leggjast undir feld og taka ákvörðun á ábyrgan hann. Enda sýndi hún að hún er kona orða sinna!

2. Það er ekki einungis Samfylkingin sem þarf að hysja upp um sig buxurnar. Framsóknarflokkurinn þarf nú aldeilis að taka á honum stóra sínum ef Halldór kallinn ætlar að leiða næstu ríkisstjórn með trausti. Ef Samfylkingin og Framsóknarflokkur ætla saman í ríkisstjórn verður annnar flokkurinn eða báðir að bæta við sig fylgi. Þeir mega hins vegar ekki taka fylgi frá hver öðrum. Það veltur því á Framsóknarflokknum, miðjuflokknum, að ná fylgi af Sjálfstæðisflokki og Vinstri Grænum. Það eina sem Samfylkingin þarf að gera er að halda sínu fylgi og fylgja svo Framsóknarflokknum í ríkisstjórn. Snjallt, ekki satt?

Er þetta illa skrifuð frétt? Hjörtur segir: Svo sannarlega!!!

Annars minntist Björn líka á matarveislu sem í upphafi var mér og Maríu ætluð. Verst að missa af því en það bíður betri tíma - og ég bíð þá bara spenntur!

Björn veltir fyrir sér hvort Vaka hafi sofnað á verðinum varðandi opnunartíma bygginga Háskólans. Það má svo sem færa rök fyrir því ef maður vill. Ég ætla þó að sleppa því og leyfa öðrum að draga sínar ályktanir. Hitt er þó annað mál að Háskólinn hefur fyrir löngu átt að vera búinn að gera ráðstafanir varðandi lokaðan aðgang að skólunum. Með lokuðum aðgangi á ég við að loka byggingum utan skrifstofutíma fyrir öðrum en starfsmönnum og stúdentum við skólann.

Fyrir um tveimur árum hóf Stúdentaráð, undir forystu Röskvu að kanna möguleika á smartkortavæðingu innan háskólans. Sóttist málið seint einkum vegna áhugaleysis hjá stjórnendum Háskólans. Röskva gafst þó ekki upp og hélt málinu vakandi í umræðunni og með átaki tókst að koma í veg fyrir skertan aðgang stúdenta að byggingum Háskólans. Eftir að Vaka tók við stjórnartaumnum í Stúdentaráði á vordögum virðist eitthvað hafa farið úr skorðum því smátt og smátt hefur aðgengi stúdenta að byggingum skólans stórminnkað. Að vísu stóð Vaka fyrir næturopnunum í völdum byggingum fyrir síðustu vorpróf, þar sem stúdentaráðsliðar tóku að sér að vakta byggingarnar yfir hánóttina. Þetta var ágætis hugmynd en skammvinn lausn því ekki er útséð um að stúdentaráðsliðar hafi nennu í að gerast næturverðir í lengri tíma.

Það er augljóst að Stúdentaráð þarf að berjast harkalega fyrir óskertu og auknu aðgengi stúdenta að Háskóla Íslands. Ef Vaka vill sanna að hún sé þess verðug að fara með stjórn í SHÍ verður hún að gera betur. Hingað til hefur hún lítið aðhafst í þessum málum og svo fór sem fór.

Nýr dagur í nýjum garði - svo var bjórkjúklingurinn líka svo góður !!! Lúlli á líka afmæli í dag. vei vei