Heimagerðrabrandarkeppnismónólóg dagsins:

Hvað kallast lögga á þríhjóli?

Sem sagt:


Sigrún (hverrar sporum væri ég í mér myndi líka vera illa við Hard Rock) veltir fyrir sér hvar hún eigi að eyða Verslunarmannahelginni. Tjah... hún gæti tam mætt á Útihátíð Andansmanna.

Mummi.... (hver ætlar á útihátíð og ég verð líklega búinn að hringja í áður en hann les þetta) þú mætir bara með tjald, svefnpoka, drykkjarföng og mat á grillið. Ég pikka þig svo upp um 16:00 á morg. Annars hringi ég í þig á eftir.

Óli Veigar.... (hvern ég hef nú þegar talað við um morgundaginn í síma) við sjáumst á morgun.

Haukur (hver ætlar einmitt á útihátíð Andansmanna líkt og Mummi og Óli) joronn með félagsskapinn umtalaða ;)

Finnur og Magga (hver fá einmitt að fljóta með í lundinn á bílnum hvern við getum kallað Air Force One eða kannski frekar Ground Force One) við gerum ráð fyrir brottför um 1600

Dagný... (hver ætlar jafnvel að mæta tvisvar á útihátíð þetta árið) þú mannst eftir birgðunum!

Tja --- seinast þegar ég sá Sigrúnu á Hard Rock virtist hún nokkuð sátt!

Snilldin okkar Andansmanna komin út - ---- HLUSTIÐ (3 mb) (1,3 mb)

Heimagerðrabrandarkeppnismónólóg dagsins:

Hvað sagði ljóskan þegar hún sá manninn í apabúningnum?
"Nei sko - api!"

Ármann veltir fyrir sér hvurslags dýr Feitimúli sé. Feitimúli þessi hefur að vísu yfirleitt verið kallaður Guffi upp á íslensku, enda eðlilegri þýðing á upprunalegu nafni hans á ensku, Goofy. En Ármann er hinsvegar í hópi þeirra manna sem eiga erfitt með að sætta sig við að Guffi og félagar eru bandarísk uppfinning, þrátt fyrir að fáfróður íslendingurinn hafi alist upp við þann misskilning að kammeratarnir í Andabæ og Músabæ væru danskir að uppruna. Á dönsku kallast umræddur Guffi sum sé Fedtmule sem má vissulega útleggjast Feitimúli á íslensku. Að vísu er Guffanafnið alls ekki nákvæm þýðing því á ensku merkir lýsingarorðið goofy 'bjánalegur' eða 'skrýtinn' og er dregið af nafnorðinu goof sem merkir einmitt 'bjáni' eða 'glópur'. Þannig gæti annað nafn á fyrirbærið sem Ármann ræðir um verið Glópur eða jafnvel Glópnir.
Guffi eða Glópnir kallast mörgum nöfnum um allan heim. T.a.m. kalla Færeyingar hann Klossmund og í Noregi kallast hann Langbein, Jan Långben í Svíþjóð og Bondock á arabísku.
Í raun kallaðist Glópnir Dippy Dawg í fyrsta sinni sem hann birtist en sökum hvursu bjánalegur hann þótti fékk hann fljótt nafnið Goofy sem fer honum bara ágætlega.

En það sem hefur reyndar vafist frekar fyrir mönnum er hvernig beri að flokka fyrirbærið sem við skulum kalla Glópni. Ég hef alltaf staðið í þeirri meiningu að Glópnir sé hundur enda bera döpur augun, lafandi eyrun og framlangt trýnið vott um það. Mörgum hefur þó þótt það nokkuð truflandi þar sem Glópni hefur margsinnis verið stillt upp með hundinum Plútó og eru þeir öngvir jafningjar og má það þykja ósanngjarnt gagvart Plútó greyinu. Slíkt þykir þó alls ekki óvenjulegt í Músabæ og Andabæ þar sem oft má sjá endur ríða hestum, hesta mjólka kýr og mýs veiða fisk. Þar eru sumum dýrum gefnir mannlegir eiginleikar á meðan örðum er það ekki.

Rigning um helgina... það virðist ætla að verða staðreynd. En maður hlýtur að bíða og vona. Held amk ótrauður áfram með heimagerðrabrandarkeppnismónólóginn:

Afhverju finnst Helga Björnssyni rigningin góð?
Afþví að hann er hálfviti.

Heimagerðrabrandarkeppnismónólóginn virðist ætla að vekja lukku. Það er því engin ástæða til að hætta þessar vitleysu. Þannig að:
Heimagerðrabrandarkeppnismónólóg dagsins:

Hvað kallast hestur sem lærir?
Náms hestur : Þ

Mummi hefði líklega bara átt að þiggja lauksúpuna heima hjá mér á föstudaginn. Svo virðist sem vinnupartýið hafi verið svolítið mis. En ég get þó lofað honum betri skemmtun í Þrastaskógi um helgina. Enda kíkti ég þangað í gær á stuttan samráðsfund með skógarverðinum. Forsetalundurinn bókaður sérstaklega fyrir Andansmenn og allt að verða klappað og klárt.

En það varð sum sé ekkert úr lauksúpunni á föstudaginn þar sem enginn vildi þiggja hana og við María ákváðum að bíða með hana og pöntuðum okkur þessa líka fínu pizzu frá Domino's. Reyndar tvær pizzur -- amm - amminamm. Svo kom Magga í heimsókn og svo líka Rún svo við fórum fjögur (Magga, Rún, María og ég) á Vegamót. Hvar ég hitti Hauk #3 sem skrifar skemmtilega punkta um mæðu örvhentra. Við Haukur erum líka bræður í baráttunni og það eru ekki bara kaffivélar og örbylgjuofnar sem snúa vitlaust. Oftar en ekki hangir t.d. klósettpappír á almenningssalernum hægra megin og ég þarf yfirleitt að endurraða borðbúnaði þegar ég snæði á veitingahúsum. Allir stólar með fastri borðplötu í Háskólanum eru ætlaðir fyrir "rétt"henta. Það var að vísu mér til mikillar gleði sem ég uppgötvaði að sætin lengst til vinstri í litlu sölunum í Háskólabíó eru ætluð fyrir menn eins og mig og Hauk. Á móti endar maður að vísu með myndarlegan hálsríg eftir hafa þurft að snúa hausnum þessar 30 gráður til hægri - til að fylgjast með kennaranum á miðju sviðinu. Það er spuning hvort við Haukur eigum ekki bara að stofna samtök. Við gætum kallað þau - Samtök vinstrimanna - í orðsins fyllstu merkingu.